剛剛買了菲林相機不知怎用? 新手想找到一個簡單易明的菲林入門教學? 如果你也是一個徬徨的菲林新手，可以收藏一下這個頁面，我們會定時更新~
一般而言，我們會推薦新手使用基本功能齊全的35mm (135) 相機，配以ISO200/ISO400的菲林，但當然菲林看個人喜好及需要選擇。另外我們亦推薦新手可以先理解快門、光圈、曝光及構圖等重要概念。
網絡上有各種新手菲林教學，但大部分教學網站分類較雜亂。以下我們收集了新手使用菲林時可能會遇到的各種問題，包括135/120菲林的分類、ISO感光度的介紹及不同新手常見問題。如果各位讀者對於使用菲林、菲林相機仍有疑難，歡迎在instagram dm我們，我們會很樂意解答你的問題～
謹此獻給各位剛接觸菲林、菲林攝影的新手。有時間的話，歡迎到訪我們門店、或在@filminglab與我們交流一下拍攝心得。
135同120都是菲林格式；
135菲林 (35mm菲林)
135被廣泛地稱為35mm底片，是現代最普及的攝影底片格式，現在市面上大部分的相機都是135菲林機。
顧名思義，35mm底片意思就是膠卷感光面積為36mm x 24mm，而市面上流通的135底片多數不外乎有36格、27格、24格和12格的分別。
▲ 柯達出產的Gold, ColorPlus和Ultramax是比較常見的35mm菲林。
120菲林
有趣的是，120底片並非只有120mm或20mm闊。120底片的尺寸較大，感光面積為為為56mm x 56mm。120底片可以拍攝出不同的片幅尺寸，亦可以拍出不同的格數。
▲ 雖然市面上有林林總總的35mm的菲林，但120菲林的選擇其實也不少。
負片（negative film） — 最常見的底片，在拍攝後會得到反轉的負像，經C41沖洗流程後而顯影的影像與現實相反，例如白色的物品在膠片上顯示為黑色，而彩色的景物就會以互補色呈現在膠片上。彩色的負片片基呈褐色、黑白負片片基呈灰黑色。這些負片在經過掃瞄後便可以去除色罩，將彩色/黑白底片變成我們平日看見的相片。
正片（reversal film） — 負片經過E6的藥水沖洗後，片基變成透明，便能得到正像顯影。正片可以直接在電影院播放，或是在燈箱欣賞。正片在燈下透射下可以看到充滿立體感又通透的相片。
ISO指感光度。與數碼拍攝一樣，ISO的數目有100、200、400、800、1600等，ISO越大感光度就越高，但同時顆粒（雜訊）會較多。
ISO100-200因為感光度低，適合在光線充裕的環境拍攝，例如戶外有陽光照射的環境。它們對光的靈敏度低，所以不會產生多餘、不必要的顆粒，成像會比起高ISO的較細緻。
ISO400或以上的菲林可以在光線不足的環境拍攝，但顆粒會相對較多。
▲左圖以Ultramax 400拍攝，右圖以Gold 200拍攝，仔細研究可以發現左圖的暗位細節較清晰，可見ISO400的菲林捕捉低光的細節方面表現較佳。不過新手們要注意，除了感光度以外，一張相的影像效果還會受快門的快慢、光圈大小、構圖等影響，感光度只是其中一環。
(注意: 此篇廣東話入文)
店主啱啱接觸單反嗰陣連點樣開底蓋都唔識，為免其他人都出現呢個尷尬情況，今日準備咗個小教學俾大家
1. 相機左上角有一個迴片桿(圓形轉盤)，拉起迴片桿，用力拉起直到菲林底片蓋彈起
2. 將菲林放入左邊 (當然有相機係右邊)，相機底部有一個圓形凹位，將菲林凸出嘅部分對準再放入去，放好菲林記住要㩒低頭先拉起嘅迴片桿，㩒唔到就代表菲林冇裝啱位置，咁就要再入過
3. 輕輕將菲林片頭拉出，長度大概係啱啱可以攝到入右邊嘅捲軸入面，慢慢對準攝入去
4. 一邊轉捲軸一邊確保菲林上下嘅齒洞有對準轉軸嘅齒，拉一下過片桿，確保菲林已經捲咗一圈
去片: https://www.instagram.com/p/CiwYGM0ojMA/?utm_source=ig_web_copy_link
回片要小心「斷片」~
機械菲林機的機身底部有個回捲按鈕，記得要按下該按鈕再進行手動回捲的步驟，否則可能會「斷片」，原因如下：
首先，我們要了解回捲按鈕的作用是菲林軸的安全鎖，可以固定菲林軸以免我們不小心回捲菲林。
當按下回捲按鈕後，就可以拉動回捲桿，以手動形式將菲林退回筒內，就可以完全順暢進行回捲過程，直至將菲林軸的菲林捲回筒內，再打開蓋取出菲林。
進行回捲時，感受到很大阻力的時候就要停下了。
如果當下不理會他，並且用力回捲，就會聽到菲林底片斷掉的聲音，而拉斷菲林後，剩下的另一半就會在菲林軸上。
如果發生斷片，記得
（1）不要嘗試自己拯救菲林，切忌打開背蓋
（2）將相機拿到菲林店舖，拜托店主幫忙在黑袋裡取出菲林，以免底片走光，小心點總好過整卷菲林都曝光！
(注意: 此篇廣東話入文) 當然買得，仲有好多菲林發燒友會特別玩過期菲林！
菲林同食物一樣，都有最佳使用日期，「菲林幾時過期」亦係我哋經常被問到嘅問題之一。菲林過期會令菲林中嘅化學物質產生變化，令到感光敏感度、對比度同飽和度下降、顆粒增加、產生灰霧等，根據唔同嘅儲存條件同埋過期年期，菲林嘅狀態都會有所唔同。
我哋就整理咗幾項買過期菲林嘅重要事項：
(1) 揀選保存良好嘅菲林
菲林最好儲存喺陰涼同乾燥嘅環境，因為高溫同高濕度係菲林嘅大忌，會加速菲林嘅化學物質惡化。如果賣家有提及菲林嘅儲存方式，大家就更加放心買！
(2) 選用黑白菲林
彩色菲林有多層混合咗唔同染料嘅鹵化銀，由於色素分解嘅速度比鹵化銀快，而且唔同色素嘅分解速度亦唔一定相同，相片最後出黎有機會出現偏色，相反黑白菲林就少咗呢種考量。
(3) 選用低ISO菲林
菲林感光度越高，分解速度越快，ISO 200菲林比起ISO 800菲林會係更加穩陣嘅選擇。
(4) 選用負片
正片嘅分解速度比負片快，而且正片寬容度較低，更加容易因為錯誤計算需要增加嘅曝光值，而令到影像失去細節，相片或者會變死黑/死白。
(5) 使用時增加曝光值
因為鹵化銀對光嘅敏感度低咗，所以需要增加適當嘅曝光嚟補償返。如果唔知道菲林以往嘅儲存環境，一般可以用呢個定律：彩色菲林每10年增加一級曝光，而黑白菲林就可以每20年增加一級曝光。
(6) 使用時小心過片
過期菲林會比較脆弱同埋彎，記得過片嗰陣唔好夾硬黎，唔係一個唔小心可能會拉斷菲林
可能你會問，既然影過期菲林咁煩，又有咁多野要注意，點解仲要同大家介紹？係愛啊？定係責任？係窮啊！近日菲林供應唔穩定，停產消息又不斷傳出，令到菲林來貨價越黎越高，而過期菲林一般會比較平，所以就變成大家現時其中一個替代品，以前菲林輝煌嘅年代出產咗好多唔同類型令人愛不惜手嘅菲林，而家想感受呢啲已停產菲林嘅魅力，就只可以揀過期菲林黎影啦
我哋有特別為過期菲林整咗個catalog，有興趣可以望吓上面菲林嘅分類～